O‘zbekiston Respublikasi Oliy taʼlim, fan va innovatsiyalar vazirligi

Unda Turizm qo‘mitasi, Prezident huzuridagi Ta’lim loyihalari markazi, Prezident huzuridagi Davlat boshqaruv akademiyasi, Xalqaro rivojlanish agentliklari, jumladan, Shveysariya elchixonasi, Malaka rivojlantirishga faol qatnashuvchi xususiy sektor vakillari, 180 dan ortiq mahalliy va xalqaro mutaxassislar ishtirok etishdi. 

Anjumanda Oliy ta’lim, fan va innovatsiyalar vaziri birinchi o‘rinbosari Shohrux Daliyev ishtirok etib, ta’lim sohasi mutaxassislari hamda turli tarmoqlar vakillari bilan ochiq va konstruktiv muloqot olib bordi. Suhbat davomida kasbiy ta’limning dolzarb masalalari, kelajak kasblari va zamonaviy mehnat bozorining ehtiyojlari muhokama qilindi.
  
Mazkur anjumanda O‘zbekistondagi kasbiy ta’lim (VET) tizimini jahon standartlari va barqaror rivojlanish maqsadlariga muvofiqlashtirish hamda mehnat bozori ehtiyojlariga moslashtirish masalalari muhokama qilindi. 

Shuningdek:
🔸O‘zbekistondagi strategik VET islohotlari – mavjud siyosatni baholash va jahon tajribasiga moslashtirish;
🔸VET tizimida ishtirokchilarning o‘rni – davlat va xususiy sektorning rolini aniqlash, xususan mehmonxona xo‘jaligi sohasiga e’tibor;
🔸Sifatli ta’lim uchun hamkorlik – dual ta’lim va stajirovkalar kabi xalqaro modellar asosida sifat kafolatini ta’minlash;
🔸Dual ta’lim va davlat-xususiy sheriklik (DXSH) – xususiy sektorning malaka rivojlanishiga investitsiya kiritish strategiyalari;
🔸O‘qituvchi va trenerlarni tayyorlash – kasbiy ta’lim pedagoglarining salohiyatini oshirishga qaratilgan innovasion modellar;
🔸Shveysariya, Germaniya, Fransiya, Italiya, Qozog‘iston, Qirg‘iziston va Tojikiston tajribalari xususida ham atrofllicha to‘xtalib o‘tildi.