O‘zbekiston Respublikasi Oliy taʼlim, fan va innovatsiyalar vazirligi

Vazir o‘rinbosari loyiha-smeta hujjatlari, bino va inshootlarning joylashuv rejalari, umumiy yer maydoni bo‘yicha ma’lumotlar, ko‘rgazmali stendlar bilan tanishdi hamda bosh pudrat tashkiloti — “NSGD”-EE vakillari bilan qurilish jarayonining bir qator jihatlari yuzasidan fikr almashdi.

Xususan, loyiha doirasidagi A-blokda joylashgan Fizika-matematika va axborot texnologiyalari fakulteti binosi hamda B-blokda joylashgan Tabiiy fanlar va agrobiyotexnologiya fakulteti o‘quv binosining poydevor qismida olib borilayotgan qurilish ishlari joyida o‘rganildi.

Masʼullar ishtirokida qurilishning loyiha quvvati va bosqichma-bosqich amalga oshirilishi, poydevor qismida izolyatsiya ishlari sifatli bajarilishi, qurilish ishlarining yakunlash muddati va belgilangan muddatlarga muvofiqligi kabi masalalar muhokama qilindi.

Qayd etilganidek, mazkur kampus Buxoro davlat universitetining o‘quv, ilmiy va innovatsion salohiyatini yanada oshirish, zamonaviy ta’lim infratuzilmasini yaratish yo‘lida muhim qadam bo‘lib xizmat qiladi.