Oliy ta’lim, fan va innovatsiyalar vaziri Qo‘ng‘irotboy Sharipov Toshkent shahrida joylashgan Respublika televideniye va radio texnikumi faoliyatini o‘rgandi.
2025-05-26 14:45:00 / Vazirlik yangiliklari
Bugungi kunda mazkur ta’lim maskanida texnogen san’ati, videomontaj texnikasi va teleoperatorlik yo‘nalishlari bo‘yicha mutaxassislar tayyorlanmoqda. Bu yo‘nalishlar zamonaviy media olamining texnik asoslarini chuqur o‘rganish, ijodkorlik va amaliy ko‘nikmalarni shakllantirish imkonini bermoqda.
Yangi o‘quv yilidan boshlab esa texnikumda ommaviy axborot vositalari va axborot xizmati, kutubxonashunoslik va bibliografiya, televizion texnologiyalar, telekommunikatsiya texnologiyalari, kompyuter injiniringi, dasturiy injiniring kabi yangi yo‘nalishlar bo‘yicha ham ta’lim berilishi rejalashtirilgan
Mazkur yo‘nalishlarning joriy etilishi media, axborot texnologiyalari va texnik injiniring sohalarida yuqori malakali mutaxassislar tayyorlash imkonini kengaytiradi.